Taşkent. Üzbäkstannıñ Üzäk Bankı belän bergä bäyän itkän urtaq belderüendä Xalıqara Valuta Fondı şuşı ilneñ 2004-nçe yıldağı iqtisadi täräqqiaten maqtap çıqtı. Anda, eçke citeşterü külämen 7 protsentqa üsterep üzbäk xökümäte bıyıl xälitkeç noqtanı uzdı, anıñ çit il aqçası häm altın küläme 30-dan da artığraq protsentqa üste dielä. Şuşı belderü Xalıqara Valuta Fondınıñ Taşkentta ber atna buyı Üzbäkstan räsmiläre belän barğan kiñäşläşülärdän soñ yasaldı. Fondnıñ üzbäk xökümäte belän mönäsäbätläre, soñğısınıñ iqtisadi reformalarnı bik sülpän alıp baruı arqasında soñğı yıllarda şaqtıy kierenke ide. Üzbäkstannıñ iqtisadı haman da nıq üzäkläşterelgän xäldä, säwdä qağidäläre anda bik qırıs bulıp qala birä.
