Yaponiä premier-ministrı Yuniçiro Koizumi Rusiä, İkençe dönya suğışınnan soñ basıp alınğan utrawlarnıñ 4sen dä qaytarırğa tieş dip belderde. Bu belderü, kiçä Rusiä prezidentı Vladimir Putinnıñ Kremldä ütkän matbuğat oçraşuında "Rusiä utrawlarnıñ ikesen genä qaytarırğa äzer" digän süzlärenä cawap bulıp tora. Yaponiä belän Rusiä diplomatik bäyläneşlär totsa da, İkençe dönya suğışınnan soñ solıx kileşüen älegäçä imzalamağan. Tın okenadağı 4 bäxäsle utrawnı Rusiälelär Kuril utrawları dip atıy, Yaponnar isä – Tönyaq Cirlär dip. Kiläse yılda Putin räsmi säfär belän Yaponiägä barırğa cıyına.
