Bagdad. Ğiraqnıñ neft ministrı Samir Ğädban bügen, ğisyançılarnıñ Ğiraq neft industriäsenä yasap torğan höcümnäre ilgä 2003-nçe yılnıñ martınnan birle 8 milliard dollarlıq zian kiterde dip belderde. Ministr süzlärenä qarağanda, xäzerge waqıtta Ğiraqnıñ bar neft industriäsenä qarşı iğlan itelgän suğış bara. Bügenge köndä Ğiraq üz neften könenä 1 million 800 meñ miçkä külämendä könyaqtağı Basra şähäre aşa ğına çığara. Tönyaqta isä Kirkuktağı neft qırların Bayici üzäge belän totaştıruçı torbaütkärgeçlärgä yasalğan höcüm annan neft çığarunı yänä tuqtattı.
