Amerikan xärbiläre äytüençä, bügen Bağdad yanındağı Tarmia qalasında yulğa quyılğan bomba şartlaw näticäsendä 3 xärbi häläq bulğan, tağın 6sı yaralanğan. Ğiraqnıñ başqa urınnarında bulğan höcümnär näticäsendä berniçä politsiä xezmätkäre häläq bulğan. İskändäriä şähärendä şiği firqä binası yanında ber intiharçı üzen şartlatıp, 5 keşene ütergän. Ğiraq xärbiläre Baquba qalasında, Äl-Qaidä belän bäyle dip sanalğan, baş kisülär öçen ğäyeplängän törkem başlığı Möxämmät Nacam İbrahimnı totuların xäbär itte. Şualy uq, Ana qalasında, tanığan terrorçı Äbü Musab Äl-Zarqawinıñ yärdämçese Äbü Qutayba totılğan dip xäbär itelde.
