Rusiädäge xoquq yaqlaw oyışmaları xakmiätlärgä möräcäğät itep üterelgän çeçen citäkçese Aslan Masxadovnıñ mäyeten kümü öçen tuğannarına tapşırunı soradı.
Masxadov uzğan atnada üterelde. Xakimiätlär anı terrorçı dip atıy häm anıñ mäyeten tuğannarına tapşırudan baş tarta.
Rusiä xoquq yaqlaw oyışmaları imzalağan belderüdä, Keşe xoquqları öçen törkeme citäkçese Lev Ponomaryev äytüençä, Masxadov mäyeten tuğannarına birmäw oyat dielä.
Bügen Rusiä xärbiläre Çeçnädä Masxadov üterelgän yortnı cimerde. Alarnıñ bu yortnı ni öçen cimerüe açıq tügel. Rusiä xärbiläre bernindi añlatma da birergä telämäde.
