Rusiäneñ Berläşkän Energo Sistemaları citäkçese Anatoli Çubaysqa höcüm itüdä şiklänelgän ber keşe qulğa alınğan dip xäbär itelä. Bu xäbärne bügen Mäskäw ölkäse prokuraturası rasladı. Rusiäneñ mäglümät çaraları bu keşene elekke diversiälär belgeçe, yalğa çıqqan polkovnik Vladimir Kvaçkov dip tanıta. Qayber xäbärlärgä qarağanda anıñ ulı da qulğa alınğan. Bu xäbärlärgä älegä räsmi raslawlar yuq. Kiçä irtän Çubays maşinasına höcüm yasalğan ide. Başta şartlaw bulğan, annarı bilegsez keşelär ağaç artınnan ut açqan. Çubaysqa zıyan kilmägän.
