Accessibility links

Кайнар хәбәр

Prezident Akaev urınına Bakiev däğwa itäçäk


Qırğızstannıñ waqıtlı prezidentı Kurmanbek Bakiev waqıtınnan alda ütäçäk prezident saylawlarında üzeneñ namzäten quyaçağın iğlan itte. Bügen Qırğız parlamentı ul saylawlarnı Yünneñ 26sında ütkärergä qarar itte. Bakiev şulay uq, bügen telefon aşa Rusiä prezidentı Vladimir Putin belän söyläşkänen, häm anıñ yärdäm wäğdä itkänen äytte:

Audio (Kurmanbek Bakiev) "Rusiä citäkçelegenä bezgä iğtibar kürsätkäne öçen bik räxmätlemen. Alar ğädättägeçä bezgä yärdäm qulı suzdı."

Rusiäneñ mäglümät çaraları Qırğızstannıñ bärep töşerelgän prezidentı Askar Akaev Rusiägä kilgän dip xäbär itä. Comğa könne Putin, ägär Akaev teläsä ul Rusiägä kilä ala digän ide. Bügen ütkän matbuğat oçraşuında Bakiev, "Akaev Qırğızstanğa qurıqmıyça qayta ala, aña berni bulmayaçaq", dip ışandırdı.

Ul arada bügen Akaevnıñ tuğan töbägendä berniçä meñ keşe anı yaqlap miting ütkärgän. Akaevnıñ Eçke eşlär ministrı bulğan Keneşbek Duşenbaev süzlärençä, bu keşelär Akaevnıñ bärep töşerelüenä protest belderep başqalağa kilerä cıyına.

İldäge iminlek öçen cawaplılıqnı üz östenä alğan oppozitsiä citäkçese Feliks Kulov süzlärençä, ike kön talawlardan soñ, militsiä Bişkäktäge wazğiätne nixayät konrol astına alğan.
XS
SM
MD
LG