Vatican. Comğağa qarşı töndä xäle kinät awırayıp kitkän Papa İoann Paul İkençe üz añında, häm aña nindi xäldä buluı xaqında äytelde dip xäbär itelä Vaticannan. Papanıñ sälämätlege turında räsmi belderü yasağan Joaquin Navarro Valls, Vaticannıñ matbuğat wäkile, 84-yäşlek Papanıñ xäle totrıqlandı, läkin bik awır bulıp qala dide häm anıñ Vaticanda qalırğa buluı xaqında äytte: "Älegä Papa üzeneñ Vaticandağı fatirında qalırğa buldı, anda aña tulı wä effektiv meditsina yardäme kürsätelä" di Navarro Valls. Anıñ süzlärençä, katolik cirkäwe başlığınıñ qan basımı sikerep tora häm ul sulış aluda zur awırlıqlar kiçerä. Aña inde yasin çığuı da mäğlüm.
