Pekin. Qıtay tışqı eşlär ministrlığı, Pekin bekän Tokyo arasında çıqqan kierenkelek öçen Qıtay cawaplı tügel dip belderde. Räsmi Pekin qaraşınça, Qıtayda yaponnarğa qarşı ütkärelgän cıyınnar artında Yaponiäneñ suğış çorındağı ğämälläre öçen täwbä kiterä almawı yata. Kiçä Pekindä 10 meñnän artıq keşe yapon ilçelege binasına häm yapon ilçese yortına taşlar atıp, alarnıñ täräzälären watqan ide. Andıy qarşılıq çaraları bügen könyaq Qıtaydağı tağın ike şähärdä uzdı. Yapon tışqı eşlär ministrı Nobutaka Maximura Pekinnän ğafu ütenüne soradı. Qıtay tışqı eşlär ministrlığı moña, Tokyo ber-bereñä ışanu häm ikeyaqlı mönäsäbätlärne nığıtu öçen kübräk eşlärgä tieş dip belderde.
