Accessibility links

Кайнар хәбәр

Yevropa Berlege summitında Törkiäneñ äğzalıq mäsäläse qaralmayaçaq


Yevropa Berlege diplomatları, pänceşämbe könne açılaçaq Berlek summitınıñ köntärtibendä Törkiä äğzalığı mäsäläse bulmayaçaq, dip belderde. Cıyında Törkiä turında söyläşü qaralmawı – niçä yıl eçendä äle berençe tapqır. Summitta qaralaçaq töp mäsälä – Yevropa Berlege konstitusiäseneñ Fransiä häm Hollandiä tarafınnan kire qağıluı. Ankarada premyer-ministr Recep Tayyıp Erdoğan, bu üzgäreşne möhim tügel dip atadı, häm Yevropa Berlege äğzalığına taba äzerlektä uzğan berniçä yıl Törkiägä ziyan kitermäde, dip belderde. Gresiä prezidentı Karolos Papoulias, Avstriädä prezident Heinz Fischer belän bulğan oçraşudan soñ jurnalistlarğa, Yevropa Törkiä öçen açıq bulırğa tieş, dip belderde, Törkiäneñ Berlekkä kerüenä kirtä salunıñ mäğnäse yuq, dide. Ul arada Yevropa Berlege Törkiä häm Berlekneñ 10 yaña äğzase arasında tamozhnya berlege tözü turında kileşüne raslağan dip xäbär itelä. Bu illär arasında Kipr da bar. Yevropa Berlege tışqı eşlär ministrları kileşüne Törkiägä imzalaw öçen cibärgän. Kileşü imzalanğan könne Ankara Yevropa Berlege quyğan böten taläplärne ütägän bulıp 3 üktäber könne äğzalıq turında söyläşülärne başlıy alaçaq. Söyläşülärne uzdırunı Yevropa Komissiäsenä tapşıru öçen Berlek äle tawış birergä tieş.
XS
SM
MD
LG