Qırğızstannıñ xakimiättän çitläşterelgän prezidentı Askar Aqayev baş prokuratura wäkilläre belän oçraşudan baş tarttı.
Bu turıda bügen Bişkäktä baş prokuror Azimbek Beknazarov belderde. Anıñ äytüençä, Aqayev başta prokuratura wäkilläre belän Mäskäwdä oçraşırğa rizalaşqan bulğan, ämma soñraq, düşämbe könne, bernindi oçraşuda da bulırğa cıyınmağanlığın beldergän.
Bügen Nezavisimaya Gazetada basılğan interviewda Aqayev Qırğızstan xakimiätläre wazıyfaların başqaruçılar tarafınnan sorawğa tartılu zarurlığın kürmäwe turında äytä.
Aqayev tağın ber märtäbä, soñğı könnärdä Bişkäktä bulğan protest çaraları artında toruın kire qaqtı.
Bügen baş prokuror Beknazarov şulay uq Aqayevnıñ ulı Aydar Aqayevqa qarşı ike cinayät eşe bar häm parlamentqa Aydarnı deputat qağılğısızlığı xoquqınnan mäxrüm itü turında möräcäğät cibärelde dide.
Aydar Aqayev qanunsız milek üzläşterüdä häm aqça yuuda ğäyeplänä.
