İran başqalası mäxkämäsendä bügen yañadan 2003nçe yılda törmädä wafat bulğan Kanadalı İran xatını, fotorässam Zahra Kazemi eşe qaraldı. Çit il jurnalistları bu yulı da mäxkämä utırışına kertelmäde. May ayında uzğan tıñlawlarda xakim jurnalistlarnı quıp çığarıp Kazemi ğailäseneñ advokatlarına süz birmägän ide. Fotorässamnı başına bärep ütergän küzläw xezmäte wäkilen Tähran mäxkämäse 2004nçe yılnıñ yülendä aqladı. Kazemi Tähran törmäse yanında uzğan qarşılıq çarasın räsemgä töşergäne öçen qulğa alınğan ide.
