121 keşeneñ ğömeren özgän Kipr oçqıçı häläkäten tikşerü däwam itä. Älegä dä tikşerüçelär häläkätneñ säbäbenä açıqlıq kertä almadı. Gresiäneñ baş belgeçe Filippos Koutsaftis, 25läp mäyet, şul sanda ber oçuçınıñ mäyete tikşerelgännän soñ, alarnıñ oçqıç cirgä töşkändä äle isän bulğannarın belderde. Ämma añında bulu-bulmawları turında xäzer genä äytep bulmıy. Şulay uq Fransiägä cibärelgän qara tartmalarnı tikşerü dä berniçä ayğa suzılırğa mömkin.
