Paqstan xärbi mäxkamäse 2003-nçe yılda prezident Pärwäz Möşärräfne üterü omtılışında qatnaşqan dip ğäyeplängän 5 keşene ülemgä xökem itte.
Xärbilär süzçese Şäwkät Soltan xökem itelgännärneñ berse soldat dide. Anıñ äytüençä, xökem qararı berniçä kön elek çığarılğan bulğan.
Süzçe äytüençä, şul uq süz berläşterüdä qatnaşqan tağın 3 köşe ozaqqa törmä cäzasına xökem itelgän.
Ul bu keşelär 2003-nçe yılnıñ 25-nçe dikäberendä İslamabad yanındağı yulda 2 intixarçı şartlatqıçlı maşinaların Möşärräfne ozata baruçı maşinalar törkeme yanında şartlatqaç qulğa alındı dide. Möşärräfkä zarar bulmadı. Ämma 16 keşe hälak buldı. Alarnıñ küpçelege Möşärräfne saqlawçı politsiä xezmätkärläre ide.