Törmädä utırğan neft magnatı Mixail Xodorkovski, ağımdağı yıl azağında yä kiläse yıl başında bulaçaq Däwlät Dumasına östämä saylawlarda üzen nämzät itep quyaçağın iğlan itte. Bu xaqtağı belderüene ul üzeneñ internet säxifäsendä yasadı.
Xodorkovski bıyıl salım tülämäw häm aqça urlawda ğäyeplänep 9 yılğa törmägä utırtıldı. Anı yaqlawçılar, Kreml Xodorkovskida säyäsi köndäş kürep aña qarşı eş açtı, dip sanıy.
Rusiä qanunnarı nigezendä, mäxkämä eşe appelyasiägä birgännän soñ däwam itkän arada, totqın säyäsi urın öçen däğwa itä ala.
