Rusiä baş prokuror urınbasarı, bıltırğı Beslan faciğäsen tikşerüçe törkem başlığı Vladimir Kolesnikov tikşerüçelär Rusiä iminlek xezmätläreneñ qayber citäkçelärennän soraw alaçaq dide.
Kolesnikov äytüençä, sorawğa tartılaçaq citälçelär arasında Rusiä eçke eşlär ministrı Räşit Nurğaliev häm Federal' İminlek Xezmäte başlığı Nikolay Patruşev ta bar.
Beslanlılar bıltır totıqlar alınğan Beslan mäktäben yawlağanda küpçelegen balalar täşkil itkän 331 keşeneñ üleme öçen Nurğaliev belän Patruşevnı ğäyepli.
Uzğan atnada Beslan anaları belän oçraşuda Rusiä prezidentı Putin tikşerü döreslekne açaçaq häm totıqlar krizisınıñ qan qoyuğa äylänüenä yul quyğan räsmilär cawapqa tartılaçaq dip wäğdä itte.
Bu ütereş öçen ber genä yuğarı citäkçe dä wazıyfasınnan alınmadı.
