Accessibility links

Кайнар хәбәр

Mısırdağı prezidentı Xösni Möbäräk saylawlarda 80-läp protsent tawış cıyğan dielä


Mısırnıñ räsmi basmaları räsmi bulmağan berençel yomğaqlarğa qarağanda Prezident Xösni Möbäräk ildä ütkän küp nazmätle berençe prezident saylawlarında 80-läp protsent tawış cıyğan dip belderä. Möbäräk çärşämbe könne ütkän bu saylawlarda, qaysı töbäktä buluına qarap 69-dan alıp 98 protsentqa qädär tawış cıyğan dielä. Möbäräkneñ 9 köndäşe arasında iñ mäğlüm säyäsätçe, Ğad partiäse wäkile Ayman Nur ikençe urın alğan. Bu mäğlümätlär bügen 3 töp däwlät gazetında basıldı. Anda tawış birüdä niçä saylawçı qatnaşuı turında äytelmi. Saylaw räsmiläre räsmi mäğlümätlär şimbägä qädär mäğlüm bulmıyaçaq di. 1981 yıldan birle idarä itüçe prezident Möbäräk moñarçı berdänber namzät bularaq referendumda raslaw aşa ğına bu wazıyfasında 4 märtäbä qalğan ide.
XS
SM
MD
LG