Äl-Baraday İran yıllarça däwam itkän yäşerenlektän soñ üzeneñ atom programmasın açu öçen härnärsäne eşlärgä tieş dide.
Äl-Baraday Venada Xalıqara Atom Energiäse İdaräseneñ şura utırışı aldınnan jurnalistlar belän söyläşte.
AQŞ häm Yewropa Berlegendäge Britaniä, Fransiä, Germaniä wäkilläre İrannıñ atom programması mäs'äläsen BMO İminlek Şurasına kütärü mömkinlege turında süz alıp bara.
Uzğan şimbädä BMO ğömüm cıyınında İran prezidentı Mäxmüt Äxmädinicat çığış yasap İrannıñ atom yağulığı citeşterergä kireqaqqısız xoquqı bar dide häm Tährannıñ atom qoralı yasawı turındağı ğäyepläwlärne kire qaqtı. AQŞ citäkçelgendä könbatış illäre İran yäşeren räweştä atom qoralı yasaw belän şöğellänergä mömkin di. Ämma BMO İminlek Şurasında veto xoquqına iä bulğan Rusiä İranğa qarşı çikläwlär kertü zarurlığı yuq dip isäpläwen belderde.
