İran ägär dä üzeneñ atom programması mäs'äläse BMO İminlek Şurası qaramağına tapşırılsa üzendäge atom qorılmalarında xalıqara tikşerülärne tuqtatu mömkinlege turında belderde. Atom söyläşülärendäge İrannıñ baş wäkile Ali Laricani atom texnologiälären taratmaw kileşüeneñ atom qorılmaların kötelmägändä kilep tikşerü turındağı protokolına işarä itte.
İrannıñ yuğarı ruxi citäkçese Ayatulla Ali Xamenei İran bernindi basımğa häm yanawlarğa da bireşmiäçäk dide.
Yewropa Berlege belän AQŞ atom yağulığı äzerläw eşen İran qoral yasaw öçen faydalana digän şik belderä.
Tähran bu ğäyepläwne kire qağıp atom programmasınıñ maqsatı barı elektr energiäse genä citeşterü dip täqrarlıy.
