İrlandiä Respublikan Armiäse İRA qoral taşladı

İrlandiäneñ Respublikan Armiäse İRA qoralsızlanğanı turında iğlan itte. Kanada generalı John de Chastelain, qänäğät bulğanın belderde:

"Soñğı atnalarda qoralsızlanu komissiäse İRA wäkilläre belän suğışçılarnıñ qoralnı taşlawı turında söyläşülär alıp bardı. Bez Britaniä häm İrlandiä xökümätlärenä İRAda bulğan böten qoralnıñ tapşırıluın küzätü barışı turında xisapnı tapşırdıq. "

Yül ayında İRA 35 yıllıq qorallı köräşkä noqta quyuı turında beldergän ide. Xalıqara belgeçlär yäşeren räweştä İRAnıñ qoral tapşıruın küzätte.