İran, Xalıqara Atom Agentlığında üzenä qarşı tawış birgän illärdän säwdä aşa üç alaçağı belän yanadı. Şulay uq tışqı eşlär ministrlığı, İrannıñ atom programmasınıñ İminlek Şurası köntärtibenä quyılu qararına qarata Tähran üz çaraların küräçäk, dip belderde. Rusiä İrannı yanawların tormışqa aşırmasqa çaqırdı, ämma ber ük waqıtta Tährannıñ telägänen eşlärgä xoquqı bar, dide. Rusiäneñ atom energiäse ministrı Aleksandr Rumyantsev, İrannıñ bügenge köndä uran bayıtu mömkinlege yuq, şulay itep ul atom qoralın citeşterä almıy, dide. Häm İrannı xalıqara cämäğätçelek belän xezmättäşlek itergä çaqırdı.
