Bagdad. Ğiraqnıñ eçke eşlär ministrı Bayan Cäbr üzendä, Ğiraqtağı çit il ğisyançılarınıñ üz köräşen kürşe illärgä küçerergä cıyınuın kürsätkän dälillär buluın xäbär itte. Ğiraq ministrı, alar üz täcribäsen xäzer tirä-yüngä cäyelderergä tırışa häm bez kiläçäktä ğisyannarnı başqa illärdä dä küräçäkbez, dip belderde. Şuşı süzlären ul Ammanda, İordaniä eçke eşlär ministrı belän oçraşqannan soñ äytte. Kiçä Bagdadta Bayan Cäbrneñ qärdäşe urlanğan ide, bügen ul monı üzenä yasalğan basım dip atadı.
