Bosniä politsiäse 1992-nçe 95-nçe yıllardağı suğış çorında suğış cinayätläre qıluda şiklänelgän 3 serbnı qulğa aldı.
Frans press agentlığı Kosta kostiç, Miloş Miloşeviç häm Raco Şimiç kiçä ilneñ tönyaq-könçığışındağı Bielyina şähärendä qulğa alındı dip xäbär itä.
Alar suğış başında yaqındağı Brçko şähärendä möselmannarğa qarşı cinayät qıluda ğäyeplänä.
Zur bulmağan suğış cinayätlären cirle mäxkamälär, zurraq cinayätlärne yaña oyıştırılğan Bosniä suğış cinayätläre mäxkamäse qarıy. Haagadağı BMO suğış cinayätläre mäxkamäse iñ zur cinayätlärne qarıy.
