Kiçä BMO İminlek Şurası bertawıştan Süriä tikşerü eşendä tulısınça xezmättäşlek itärgä tieş digän rezolütsiä qabul itte.
BMO tikşerüçeläre äzerlägän xisapta Xäriri üleme öçen Süriä iminlek xezmätläre häm alarnıñ Livandağı berektäşläre ğäyeplänä. Şul xisaptan soñ kiçäge rezolütsiäne AQŞ, Fransiä häm Britaniä äzerläde.
Älege rezolütsiägä Livan, Rusiä, İzrail häm başqa illär xuplaw belderde. Rusiä tışqı eşlär ministrlığı bu rezolütsiä wäzğiätkä tınıç çişeleş tabu zarurlığın rasladı dide.
Bügen Dimäşqtä AQŞ ilçelege qarşında yözlärçä keşe demonstratsiä ütkärde. Qayberäwlär "bezdä yäşererlek berni dä yuq" digän şiğar kütärde.
