Azäräbäycan xoquq saqlaw oyışmaları 6-nçe noyäberdä ütäçäk parlament saylawları aldınnan Prezident İlham Aliev xökümätenä qarşı fetnä omtılışı dip şiklänelgän ğämällärne tikşerü eşendä tärräqiät bar dip belderä. Xakimätlär äytüençä, soñğı 2 atnada fetnä eşenä bäyle buluda şiklänelep 13 elekke ministr, xökümät räsmie, bank häm militsiä xezmätkäre totqarlanğan. Kiçä televidenie aşa alarnıñ 4-seneñ xakimiätne bärep töşerü öçen süz berläşterüne tanuı kürsätelde. Şul 4-neñ berse, elekke finans ministrı Fikrat Yusifov ildän çittä yäşäwçe oppozitsiä citäkçese Räsül Guliev belän xökümätne bärep töşerü öçen süz berläşterüen tanıp bu eş berniçä yıl buyı äzerlände dide.
"Küräseñ ul min anıñ xakimiätkä kilüenä bäyle finans problemaların çişärgä rizalaşırmın häm eşlärne tögäl başqarırmın dip isäplägänder. Küräseñ ul şuña kürä miña ışanğandır. Şul uq waqıtta ul küräseñ ul xakimiätkä kilüenä bäyle başqa mäs'älälädä dä miña tayanırğa mömkin dip isäplägänder. Şuña kürä mina isäp totqandır" dide Yusifov.
Güliev üzeneñ fetnä äzerläwe turındağı ğäyepläwlärne äkiät dip atadı.
