Rusiä premyer ministrı Mixail Fradkov belän Qıtay premyer minsitrı Wen Jiabao Pekiñda säwdä, xalıqara mäs'älälär häm texnologik xezmättäşlek turında söyläşte.
Qıtaynıñ räsmi kiñküläm mäğlümät çaralarında taraflarnıñ 8 kileşü imzalawı turında äytelde, ämma täfsilleräk mäğlümät birelmäde.
İnterfax Fradkovnıñ Rusiä Qıtayğa atom elektr stansiäläre tözeleşendä çiklänmägän xezmättäşlek täqdim itärgä äzer digän süzlären kiterä.
Agentlıq şulay uq ike premyer ministr Rusiädän Qıtayğa neftütkärgeç tözü söyläşülären tizlätü turında kileşte dip belderä.
Qıtaydağı zur iqtisadıy üseş anıñ Rusiädän neft' satıp aluın da nıq arttırdı. İke il şulay uq üzara strategik xezmättäşlek mönäsäbätläre urnaştıruların belderde.
İrtägä Fradkov Qıtay prezidentı Hu Cintao belän oçraşırğa cıyına.
