Tähran -- Ğiraq prezidentı Calal Talabani İranğa 3 könlek säfären tämamlap, Ğiraq bu kürşese belän yaxşı mönäsäbätlärgä äzer dip belderde. Talabani süzlärençä, İran räsmiläre, qayçandır doşman bulğan Ğiraqqa çiksez xezmättäşlek häm yärdäm wäğdä itkän. Säfär barışında berniçä kileşü tözelgän, şul isäptän, 1 milliard dollar külämendä kredit, 10 million dollar külämendä yärdäm, neft häm gaz ölkäsendä xezmättäşlek häm İrannıñ Xäräm-şähäre belän Ğiraqnıñ Basra qalası arasında timer yul tözü turında. İrannıñ räsmi İRNA agentlığı xäbär itüençä, Talabani, Saddam Xösäyen İranğa qarşı qılğan cinäyätläre öçen dä xökem iteläçäk dip wäğdä itkän.
