Yekaterinbur -- Çiläbe ölkäsendäge "Mayak" atom şirkätennän tirä-yün moxitkä yıl sayın 10 million kubometr radiaktiv qaldıqlar taşlana. Bu turıda Rusiä baş prokuraturasınıñ Ural federal bülgesendäge bülek başlığı urınbasarı Andrei Potapov comğa könne Yekatrinburda ütkän matbuğat oçraşuında äytte. Mayaktağı tuzğan bualar aşa ağıp çıqqan qaldıqlar Teça yılğasın, tirä-yün moxitne pıçrata, bu Çiläbe genä tügel, kürşe Kurğan ölkäse xalqına da qurqınıç tudıra dide ul. Mayak tiräsendä berniçä tatar awılı urnaşqan. Potapov süzlärençä, tikşerülär näticäsendä, bu xäl öçen Mayak citäkçese Vitali Sadovnikov cawaplı dip tabılğan. Atnakiç könne Çiläbe mäxkämäse anıñ östennän cinäyät eşe açu mäsäläsen qaradı. Sadovnikov ölkä deputatı bulıp tora, şul säbäple mäxkämä qararı kiräk. Qarar düşämbedä yasalır dip kötelä.
