Brussel -- Yevropa Komissiäse Ukrainağa "bazar iqtisadlı däwlät" statusın birergä cıyına. Komissiä wäkile Emma Udwin radiobızğa äytüençä, bu turıda çärşämbedä Kievta, Ukraina-Yevropa Berlege sammitında iğlan iteläçäk. Bezneñçä, Ukrainnı bazar iqtisadlı däwlät dip inde atarğa bula. Döres, bez älegä bar formal ğämällärne başqarıp ölgermädek. Läkin Komissiä başlığı Jose Barroso irtägä prezident Yuçenkoğa küñelle xäbär citkerergä tieş, dide Komissiä wäkile. Yevropa Komissiäseneñ täqdimen soñraq Ministrlar Şurası raslarğa tieş bulaçaq, läkin bu formal protsedura bulıp tora.
