Македония Грециядә македон азчылыгы булуын танытмакчы

Грециядә македон азчылыгы булуын тану таләбе белән күрше Македониядә меңнәрчә кеше урам җыенына чыкты.

Бу протест чарасы ике ил арасындагы күптәнге исем бәхәсе белән бәйле.

Греция үзенең төньягындагы Македония дип аталган төбәккә кул сузу мөмкинлегеннән куркып Македония дәүләтеннән үз исемен үзгәртүне таләп итә.

БМО арадашлыгында исем мәсьәләсе турындагы сөйләшүләр инде берничә ел элек үк көрчеккә терәлде.