Ирек Мортазинга гаепләү белдерелде

Чәршәмбе кич Русия прокуратурасының Татарстан бүлеге каршындагы тикшерү идарәсенең аеруча мөһим эшләр бүлегендә Татарстан президентының элекке матбугат вәкиле Ирек Мортазинга ялган мәгълүмат таратуда гаепләү белдерелде.

Аны шулай ук Татарстан президентының шәхси тормышына тыкшыну, мәгълүмат чаралары ярдәмендә көч куллану белән янау һәм төрле социаль катламнарга кергән кешеләр арасында дошманлык тудыруда гаеплиләр.