Русия Европа илләренә визаларны бетерергә әзер

Русия Европа Берлегенә визаларны бетерү турында килешү өлгесен тапшырып җавап көтә, дип белдерде тышкы эшләр министры Сергей Лавров.

Европа Берлегенең үз җавабын декабрьдә үтәчәк Русия-Европа Берлеге саммитына кадәр бирәчәге көтелә.

Килешү өлгесен бу атнада Нью-Йоркта узган БМО гөмүм мәҗлесе утырышы кысаларанда Русия президенты Дмитрий Медведев Европа Берлеге җитәкчелегенә тапшырган.