Рубль бәясенең төшүе дөньяда нефтьнең арзанаюына бәйле. Лондон биржасында дүшәмбе иртән Brent төрендәге нефтьнең бер мичкәсе 28 доллардан түбән төште. Бу соңгы 13 елда иң түбән бәя. Көнбатышның Ираннан санкцияләрне алуы хәбәреннән соң нефть бәясе тагын да төште. Инде бүгеннән үк Иран дөньяга нефть сата башлады.
Мәскәү биржасында доллар иртән 78 сум 58 тиен, евро 85 сум 65 тиенгә сатылды. Соңгы тапкыр чит ил валютасы 2014 елның декабрендә шундый кыйбатка сатылган иде.
