"Московская правда" 1 июльдән басма рәвештә чыгуны туктата, аны интернетта гына укып булачак. Баш мөхаррир Шод Муладжанов моның сәяси сәбәбе юк, дип белдерде.
"Без элек тә хакимиятләрне тәнкыйтьли идек, моннан соң да тәнкыйтьләячәкбез", диде Муладжанов. Басмада эшләгән журналистларның күбесе аның интернет сәхифәсен эшләячәк. "Московская правда" 1918 елдан бирле чыга иде. Аның соңгы тиражы 300 мең данә булды.