Татарстан авыл хуҗалыгы министрлыгында бәрәңге эшкәртү корылмасы төзү планнары турында сөйләделәр. Аны Арча районында төзү күздә тотыла.
"Татарстан бәрәңгене күп үстерә, аның сыйфаты төрле. Бәрәңгене үстерү белән авыл хуҗалыгы оешмалары һәм аерым хуҗалыклар шөгыльләнә. Моның белән бергә без бәрәңге җитештерү технологиясен камилләштерәбез", диде министрлык башлыгы Марат Әхмәтов.
Аның сүзләренчә, төзелешне Авыл хуҗалыгы министрлыгы башкара ала. Хәзерге вакытта төзелешкә рөхсәт мәсьәләсе хәл ителә.
Элегрәк "Маккейн" ширкәте вәкилләре Арчада бәрәңге җитештерү эшләре белән танышты. Алга таба бәрәңге җитештерү белән шөгыльләнгән бу ширкәт Татарстанда завод төзү карарын хәбәр итәчәк, дип көтелә.
