Accessibility links

дүшәмбе, 25 сентябрь 2017, Казан вакыты 05:48

Татарстанның Югары мәхкәмәсе кеше үтерү өчен хөкем ителгән полиция хезмәткәрләренең шикаятен карый


Татарстанның Югары мәхкәмәсе

25 июльдә Татарстанның Югары мәхкәмәсе элекке полиция хезмәткәрләре Наил Дияров һәм Дмитрий Кельмурзинның шикаятен карый башлый. Алар май аенда биш ел кырыс режимлы колония җәзасы алган иде.

Шикаятьне полиция хезмәткәрләренең адвокатлары тапшырган. Дияров һәм Кельмурзин үз гаепләрен танымый һәм Казанның Вахитов районы мәхкәмәсе карарын гамәлдән чыгаруны сорый, дип яза Idel.Реалии.

Казанның Вахитов районы мәхкәмәсе ике полиция хезмәткәрен кешегә үлемгә китергән зур зыян салуда, вәкаләтләре кысаларыннан чыгуда, көч һәм җәзалау өчен махсус җайланма куллануда гаепле дип тапкан иде.

Дияров һәм Кельмурзин "Арома" пиццериясе янына сугышучыларны аерыр өчен килә. Алар сугышучыларның берсе - Дмитрий Клейнны куллары богалуы килеш җиргә егып сала һәм куллары, аяклары һәм резин таяк белән кыйный. Берничә минуттан Клейн кинәт йөрәге туктаудан үлә.

Гаепләү ягы полиция хекзмәткәрләрен унар елга иректән мәхрүм итүне сораган иде.

XS
SM
MD
LG