Accessibility links

Кайнар хәбәр

Әлли-бәлли-бәү! 7 татарских колыбельных


Какие татарские колыбельные вы знаете? Мы собрали 7 самых красивых. Делитесь этим материалом с друзьями и знакомыми!

Многие из этих колыбельных можно петь и с распространёнными мелодиями для колыбельных, но для каждой есть своя мелодия-напев. Мы добавили аудио или видео для тех колыбельных, которые нашли.

1. Әлли-бәлли итәр бу

(слова Габдуллы Тукая, музыка народная)

Әлли-бәлли итәр бу,
Мәдрәсәгә китәр бу,
Тырышып сабак укыгач,
Галим булып җитәр бу.

Йокла, улым, йом күзең,
Йом, йом күзең, йолдызым,
Кичтән йокың кала да,
Елап үтә көндезең.

Әлли-бәлли көйләрем,
Хикәятләр сөйләрем,
Сиңа теләк теләрем,
Бәхетле бул, диярем.

Гыйззәтем син, кадерем син,
Минем йөрәк бәгърем син,
Куанычым, шатлыгым
Тик син минем, синсең, син!

2. Йом син күзең

(слова Разиля Валиева, музыка Шамиля Тимербулатова)

Әлли-бәлли: йом син күзең,
Әлли-бәлли — татлы сүзем.
Йоклый инде бөтен бәбиләр дә,
Йоклый инде хәтта әбиләр дә.
Әлли-бәлли, йом син күзең,
Әлли-бәлли, татлы сүзем.

Әлли-бәлли итәр балам,
Әлли-бәлли, алтын алмам.
Йоклый инде бөтен малайлар да,
Йоклый инде хәтта бабайлар да.
Әлли-бәлли итәр балам,
Әлли-бәлли, алтын алмам.

Әлли-бәлли, йоклап китәр,
Әлли-бәлли, үсеп җитәр.
Йоклый җиһан бәллүр бишегендә,
Йоклый алмый әни кеше генә.
Әлли-бәлли, йом син күзең,
Әлли-бәлли… Бетте сүзем.

3. Дәү булып үсәр бу

(татарское народное творчество)

Әлли-бәлли итәр бу,
Йокыларга китәр бу,
Йокыларга киткәчтен,
Бик дәү булып үсәр бу.

Әлли-бәлли бәү итә,
Кызым йокыга китә.
Кызым йокыга киткәч,
Әнисе кайтып җитә.

4. Йокла, үскәнем

(авторы неизвестны)

Йокла, йокла, үскәнем,
Дәү үсәрсең тагын да.
Йокы сине сагынган,
Очып йөри яныңда.

Әлли-бәлли-бәү, әлли-бәлли-бәү,
Әлли-бәлли-бәү, әлли-бәлли-бәү.

Баш очыңда йолдызлар,
Бүләк итим кайсысын?
Телим сиңа йокының
Баллы, баллы, баллысын.

Әлли-бәлли-бәү, әлли-бәлли-бәү,
Әлли-бәлли-бәү, әлли-бәлли-бәү.

Йокла, йокла, үскәнем,
Дәү үсәрсең йокласаң.
Онытмассың телеңне
Бишек җырын тыңласаң.

Әлли-бәлли-бәү, әлли-бәлли-бәү,
Әлли-бәлли-бәү, әлли-бәлли-бәү.

5. Шаулар елгалар

(слова Сибгата Хакима, музыка Сары Садыйковой)

Шаулар елгалар, елгада сулар,
Тиздән чәчәкләр, чәчәкләр чыгар.
Безнең бакчага сандугач килер,
Килер дә синең исмеңне сорар,

Әлли-бәлли, әлли-бәлли,
Килер дә синең исмеңне сорар.

Таң ату белән, өйрәтер беркөн,
Өйрәтер моңлы матур яз көен.
Сандугач инде нәкъ ярты юлда,
Йокла, чибәрем, йокла син минем,

Әлли-бәлли, әлли-бәлли,
Йокла, чибәрем, йокла син минем.

6. Бәллү

(слова Дэрдменда, музыка Шамиля Шарифуллина и Резеды Ахъяровой)

Кыйгач кашым,
Асыл ташым!
Йоклаек икәү!
Йокла, иркә,
Йокла, бәбкә,
Бәүкәй, бәллү-бәү!

Хублар хубы,
Алма тубы,
Пешкән, тулгансың!
Бу чагында
Син тагын да
Чибәр булгансың!

Алмакаем,
Аппаккаем,
Йоклаек икәү!
Йокла, иркә,
Йокла, бәбкә,
Бәүкәй, бәллү-бәү!

Җилбер-җилбер,
Син бик тилбер -
Күбрәк уйныйсың!
Ал гөлләрне,
Сөнбелләрне
Өзми куймыйсың.

Кил, гөлкәем,
Сөнбелкәем,
Йоклаек икәү!
Йокла, иркә,
Йокла, бәбкә,
Бәүкәй, бәллү-бәү!

Йокла шунда...
Син төшеңдә
Колын менерсең;
Алмачобар,
Арбасы бар -
Менә күрерсең!

Колынкаем,
Кил, җанкаем,
Йоклаек икәү!
Йокла, иркә,
Йокла, бәбкә,
Бәүкәй, бәллү-бәү.

Юл юлдашың
Һәм кулдашың
Сиңа бар эштә.
Һәм саклаучы,
Һәм яклаучы
Булсын фәрештә.

Кил, бөдрәкәй,
Фәрештәкәй,
Йоклаек икәү!
Йокла, иркә,
Йокла, бәбкә,
Бәүкәй, бәллү-бәү!

Бишек җыры (Дәрдемәнд шигыре)
please wait

No media source currently available

0:00 0:02:18 0:00

7. Кояш ятты бишегенә

(слова Резеды Валиевой, музыка Хариса Ибрагимова)

Кояш ятты бишегенә,
Күзләрен йомды.
Кошлар да сайрамый инде.
Чишмәләр тынды.

Яфраклар да серләшмиләр —
Йоклады каен.
Без дә йоклыйк,
Бәү-бәү итик,
Улым, улкаем…

Песиең дә арыды әнә,
Боегып калды.
Башын куеп тәпиенә,
Йокыга талды.

Аюыңа борынын төртеп
Йоклый аткаең.
— Без дә йоклыйк.
Бәү-бәү итик,
Улым, улкаем…

Тәрәзәдән ай да безгә
Карый үрелеп.
— Малайларым нишли анда,
Йоклыймы? — диеп,

Әкрен басып Йокы бабай
Йөри өй саен…
Әйдә, йоклыйк,
Бәү-бәү итик,
Улым, улкаем…

+ БОНУС! Большая подборка татарских колыбельных в Ютубе:

Есть чем дополнить наши материалы? Хотите добавить свой вариант или нашли ошибку? Обязательно напишите нам на почту eydetat@gmail.com
Будем рады любому отзыву!

Понравился материал? Заходите на наш сайт, каждый день вы найдёте там что-то новое и интересное! Также подписывайтесь на наши соцсети: мы есть в Вконтакте, Telegram-е, Instagram-е, Youtube и Тиктоке.

Проект "Әйдә! Online. Изучаем татарский" предлагает качественные и современные курсы и материалы для изучения татарского языка. Онлайн-курсы разговорного татарского, адаптированные литературные тексты, новости с подстрочным переводом, видео- и аудио-материалы, тесты и многое другое!

Если у вас есть предложения, то Вы всегда можете оставить их в нашей группе в Вконтакте или по адресу: eydetat@gmail.com

Скоро – больше! Оставайтесь с нашим проектом, сау булыгыз!​

XS
SM
MD
LG