Халыкара тапшырулар шурасы АКШ Сенаты тарафыннан расланып, аның өчен тавыш бирә алганчыга кадәр, Капус әлегә вазифаларны башкаручы буларак хезмәт итәчәк.
"Без Стивның "Азат Европа/Азатлык Радиосы" тарихының бу мөһим мизгелендә аны җитәкләргә ризалашуына бик шатбыз", — диде шура рәисе Карен Корнблух. — Ул медиа индустриясендә өлкән менеджер буларак искиткеч тәҗрибәгә ия һәм дә "Азат Европа/Азатлык Радиосын" да бик яхшы белә".
"Мин "Азат Европа/Азатлык Радиосын" җитәкләү форсатына бик шатмын, ул дөньяда бәйсез яңалыклар һәм мәгълүмат тапшыруда иң ышанычлы чыганакларның берсе булып тора, — диде Капус. — Мин Азатлык радиосының хәзерге җитәкчесе Джефф Гедминның фидакарь эшен, аерым алганда, "Азат Европа/Азатлык Радиосының" гаделсез тоткарланган дүрт журналистын азат итүдә мөһим тырышлыкларын дәвам итәчәкмен".
Капус бу вазифада 2023 елның җәендә киткән Джейми Флайны алыштырачак. Июль аеннан бирле "Азат Европа/Азатлык Радиосы" президенты вазифасын шура әгъзасы Джефф Гедмин башкара.
🛑 Русиядә Азатлык сайты томаланды, нишләргә? Безнең кулланма.
🌐 Безнең Telegram каналына да кушылырга онытмагыз!
Форум