Ankara -- Törkiäneñ Könçığışında urnaşqan Van şähäre xastaxanäsendä qoş kizüennän inde 3nçe bala ülde. Bu qız bala da şul uq ğailädän. Elegräk anıñ ber abyısı häm apası wafat bulğan ide. Xastaxanä başlığı Xösäyen Avni Sahin "31 Dikäberdän soñ xastaxanägä qoş kizüe dip şiklängän 40lap keşe kilde. Şularnıñ 26sı salındı, alarğa meditsina xezmäte kürsätelä. Şularnıñ 3se ülde, 15e äle dä yata, 3se awır xäldä," dide. Wafat bulğan 3 bala Ärmänstan çigendäge ber Törek awılında yäşägän. Dönya Sälämätlek Oyışması xäzer çirneñ keşedän-keşegä küçü ixtimalın tikşerä. Qıtay häm Könyaq-könçığış Aziädä bu çirdän 70tän artıq keşe ülgän ide.
