Başqortstan Yuğarı mäxkamäsendä ğäyepläw yağı, ğalim-fizik Oskar Kaybışevnı küzläwdä ğäyepläp, 6 yılğa iregennän mäxrüm itüne, taläp itte. Tikşerü mäğlumatençä, Yuğarı sığılmalılıqtağı metallarnı öyränü Fänni tikşerenü institutı mödire, çit il şirkätenä, qanun bozıp, xärbi texnika häm qoral citeşterüdä qullanılırğa mömkin, texnologiäne satqan. Kaybışev ğäyepläwne kire qağa. Anı yaqlaw yağı 17 yülgä bilgelängän çirattağı utırışta çığış yasayaçaq.
