Rusiä ictimağıy pulatınıñ kiñ küläm mäğlümat çığanaqları bäyläneşläre, mäğlümät säyäsäte häm süz irege komissiäse, Tatarstan başqalasında, ike könlek utırışın başlap cibärde. Tatarstan däwlät şurası räise Färit Möxämmätşin, anda çığış yasap, bu utırışnıñ Tatarstanda uzuı ber yaqtan ğorurlıq bulsa, ikençe yaqtan respublika öçen zur cawaplılıq ta dip belderde. Anıñ süzlärençä, respublikanıñ näq kiñ küläm mäğlümat çığanaqları, Tatarstanda törle millät wäkilläreneñ häm konfessiälärneñ tınıçlıqta, uzara kileşep yäşäwlärenä zur öleş kertä.
