Äye bik ozaq kötäbez! Min üzem Saxarova uramınnan kiläm. 8gä miña eşkä. Eşkä waqıtında kilep citü öçen 6da torırğa kiräk. Çönki transport bik naçar yöri. Avtobuslar tulı bula, alarğa kererlek tügel. Bik ozaq kötäbez.
-Ozaq kötäm min. Tramvay belän yörgängä kürä şulay. Marşrutqalarğa isä bik siräk utıram, alar miña oşamıy. Ğädel Qutuy uramında toram min. Üzäktä yäşäsäm dä, transportnı şaqtıy ozaq kötärgä turı kilä.
-Minem transport bik tiz kilä. Bezneñ yaqqa marşrutqalar berse artınnan berse yöri. Monnan öç tuqtalış qına barası. Transport probleması yuq mindä.
-Bezgä transport şaqtıy küp yöri. Avtobuslar da, tramvaylar, trolleybuslar da bar. Qaysısına telibez, şunda utırıp yöribez. Bik caylı.
-Min üzem transportta bik yöremim. Ä menä balalarım (minem 7 balam bar), transport belän bik tä integä. Uqu yortına waqıtında barıp citü öçen student qızlarım ike-öç transport belän barırğa mäcbür. Avtobuslar da xalıq belän şul qädär tulğan bula, ber ayaqta ğına basıp barasıñ. Şuña 10 sum tülise dä tügel inde. Däwlät transportları (zur avtobuslar, trolleybuslar, tramvaylar) kübräk bulsın ide.
Al'bina Zäynulla
