İsraelneñ xärbi boralaqları Gaza sızığındağı Fälestin xakimiäte urnaşqan binalarğa höcüm itte. Distälägän keşe höcümnän qaçıp qotılırğa mäcbür buldı. Associated Press mäğlümat agentlığı xäbär itüençä, binalarğa kimendä 3 raketa atılğan. Raketalar , iminlek xezmäte urnaşqan keçkenä ber bülmägä atılğan bulğan. İsraelneñ älege xärbi hawa höcüme näticäsendä ber fälestin saqçısı häläk bulğan dip xäbär itelä. Könbatış Yardağı Hebron şähäre yanında, Tufah awılında atışlar bulu turında xäbärlär kilde. Anda İsrael xärbiläre 2 fälestin suğışçısın atıp ütergän.
