Tөnyaq Koreya, ber nindi şartlar quymıça, üzeneŋ atom tөş programması tirәsendәğe mәsәlәne xәl itü өçen, Amerika belәn sөylәşülәr başlarğa әzer. Bu xaqta, comğa kөnne, Tөnyak Koreyanıŋ Qıtaydağı ilçese Ço Djin Su belderde. Bügen uk, Konyaq Koreyanıŋ yaŋa saylanğan Prezidentı Ro Mu Xen da, alege sөylәşülәrdә aradaçşı bulırğa tәqdim itte. Bü kөnnәrdә, Pxenyan, atom tөş programmalarınıŋ torışın küzәtep barğan Xalıqara atom agentlığı belgeçlәren ildәn qudı hәm alarnıŋ cihazların atom-elektr stansiәdәn sütep aldırttı. Moŋa qәdәr, Tөnyak Koreya, nizagnı beterü өçen Amerika belәn ber bersenә hөcüm itmәw turındağı kileşüne imzalağannan sөŋ ğına, Waşington belәn sөylәşülөr başlawın әytep kilde. Quşma Ştatlar Pxenyannıŋ bu qararına kisken qarşı çıqqan ide.
