Accessibility links

Кайнар хәбәр

Rusiä Yevropada İminlek häm Xezmättäşlek Oyışmasın Çeçnyağa kertmäde


Yevropada İminlek häm Xezmättäşlek Oyışmasına Çeçnyada eşläw mömkinlege birü mäsäläsendä söyläşülär uñışsız tämamlandı. Rusiä bu oyışmağa yaña mandat birüdän baş tarttı. Oyşmanıñ süzçese Richard Murphy äytüençä, Rusiä yaña mandat mäsäläsendä söyläşergä telämäwen beldergän.

Quşma Ştatlar bu uñaydan Rusiägä täqnit belderde. Bügen Venada ütkän kiñäşmädä, Amerikanıñ bu Oyışmadağı wäkile Douglas Davidson, Amerika, Kanada häm Yevropa illäre qatnaşında äzerlängän yaña mandatta Rusiäneñ mänfägätläre iskä alınğan ide, läkin Mäskäw monı kire qaqtı, dip äytte.

Oyışmanıñ Çeçnyadağı missiäneñ möddäte uzğan yılnıñ 31-nçe dikäberendä çıqtı. Rusiä bu törkemne wäkälät arttıruda, atap äytkändä, Çeçnyada keşe xoquqları torışı belän şögellänüdä ğäyepläde. Davidson süzlärençä, Çeçnyadağı wazğiät Yevropada İminlek häm Xezmättäşlek Oyışmasınıñ anda aktiv eşläwen, şul isäptän keşe xoquqları torışın da küzätüwen taläp itä.
XS
SM
MD
LG