Accessibility links

Кайнар хәбәр

Ğäräp illäre ligasınıñ general’ sekretare Livanğa kilde


Bäyrut. Livan räsmi şäxesläre belän ğäräp illäre citäkçeläreneñ yuğarı däräcäle oçraşuwın äzerläw häm Ğiraq wä fälästin cirläre tiräsendäge wäzğiatne tikşerü öçen Ğäräp ligasınıñ general’ sekretare Ämr Musa bügen Bäyrutqa kilde. Biregä Süriä başqalası Damasktan kilgän Musa, ğäräp illäre citäkçeläreneñ kiläse martta Baxreynda ütärgä tieş bulğan yuğarı däräcäle oçraşuwı aldan qaralğança waqıtında üzar digän ömet belderde, läkin ul şunda uq, ägär dä Ğiraq tiräsendäge xällär qatlawlanıp kitsä, älege oçraşu irtäräk tä ütä ala dip östäde. Baxreyndağı sammit martnıñ 24-enä bilgelängän. Bäyrutta Ämr Musa Livannıñ tışqı eşlär ministrı Mäxmüt Xämmüd belän oçraşa, alar anda, Ğiraq mäs’äläsen tikşerü öçen bu ayda ğäräp illäre tışqı eşlär ministrlarınıñ maxsus oçraşuwın oyıştıru täqdime xaqında fiker alışa. Ğäräp illäre Ğiraqqa qarşı yaña suğış bar töbäktäge totrıqlılıqnı qaqşata ala digän qurqu belderä.
XS
SM
MD
LG