Accessibility links

Кайнар хәбәр

Waşington Ärmanstandağı saylaw aldı wazğiätkä borçılu belderä


Quşma Ştatlar Ärmanstanda prezident sayalawları aldınnan barğan saylaw aldı kompaniäsendäge tärtip bozularğa borçılu belderde. Opozitsiä wäkilläre, prezident Robert Koçarian tarafdarların, Koçariannı qabat saylatır öçen xökümät resursların qullanuda ğäyepli. Quşma Ştatlarıñ Ärmänstandağı ilçese John Ordway bu ğäyepläwlärne tikşerergä çaqırdı. Kiçä Artaşat şähärendä opozitsiä wäkile Hayk Babuxanian’ğa bulğan xöcümgä Ordway tänqit belderde. Berniçä keşe anı qıynap, pıçaq belän çänçegän. Babuxanian’nıñ Konstitutsion xoquqlar öçen Berlege bu xäl öçen Koçariannı ğäyepläde. Koçarian xälne tikşerergä kürsätmä birde. Amerikan ilçese äytüençä, Waşington öçen, saylawlarnıñ döres ütüwe anıñ näticäsenä qarağanda möximräk. Ägär Ärmänstan demokratik dönyada layıqlı urın alırğa teli ikän, ul saylawlarnı döres ütkärergä tieş, dide John Ordway.
XS
SM
MD
LG