Duvanov üze häm keşe xoquqların yaqlawçı aktivistlar älege ğäyepläwneñ artında säyäsät yata dip täqrarlıy. Duvanov 14 yäşlek qıznı köçläwdä ğäyeplänep 3 yarım yıllıq törmä cäzasına xökem itelde. Duvanov min ul waqıtta narkotiklar tä’sire astında idem, üz añımda tügel idem di. Anıñ advokatı Vitaliy Voronov Duvanovnı yaqlawçılar törkeme dälillär bulmaw säbäple Duvanovnı aqlap irekkä çığaru taläbe belän 7-nçe fevral’dä Almata mäxkamäsenä möräcäğät itte dide. Oppozitsiä aktivistı Duvanov Qazaxstan prezidentı Nursoltan Nazarbayevnı häm anıñ tiräsendägelärne korrupsiädä ğäyepläp yazğan tänqit mäqälälärendä prezidentıñ isemen häm abruyın pıçratuda ğäyeplänep bıltır aña qarşı ber tikşerü eşe oyıştırlğan ide inde. Advokatlarğa qarşı prokurorlar da Duvanovnıñ 3 yarım yıllıq törmä cäzasın 7 yılğa üzgärtü taläbe belän çıqtı.
