Tışqı eşlär ministrlığı wäkile Aleksandr Yakovenko Russiä konstitutsiäsenä yaraqlaştırıp äzerlängän bu konstitutsiä proyektı xäzerge waqıtta Yewropa Şurası tarafınnan tikşerelä dide. Yewropa Şurası Yewropada keşe xoquqların küzätüçe töp oyışma. Şuranıñ keşe xoquqları komissionerı Alvaro Gil-Robles bu atnada Russiädä oçraşular ütkärä, Russiä räsmiläre belän söyläşä, Çeçnägä, İnguşetiägä bara. Çeçnä belän İnguşetiädä ul keşe xoquqları torışın bäyäläp, şuranıñ elekke täqdimnäreneñ niçek tormışqa aşırıluın tikşeräçäk. Çeçnädä konstitutsiä referendumı 23-nçe Martta ütäçäk.
