Accessibility links

Кайнар хәбәр

Küwäytnıñ eçke eşlär ministrı Saddamnı terrornı yaqlawda ğäyepli


Küwäyt. Şuşı ilneñ eçke eşlär ministrı Möxämmäd Xälid al Sabah süzlärenä qarağanda, Ğiraq prezidentı Saddam Xösäyen Küwäyttä terror oyıştıru ğämällären yaqlıy häm üz ileneñ Farsı qultığı däwlätlärendäge ilçeleklären yäşeren mäğlümat cıyu öçen qullana. Ministr şulay uq, Küwäyttäge amerikan xärbilärenä qarşı höcüm oyıştırırğa mataşuda şiklänelep kiçä totqarlanğan öç keşe arasında eçke eşlär ministrlığında eşlägän ber politsiä xezmätkäre dä bar dip belderde. Soñğı 5 ay eçendä genä dä Küwäyttä amerikan watandaşlarına 6 märtäbä ut açıldı, şulardan ikese ülemgä kitergän ide. Uzğan noyäbrdä başqaladan könyaqtağı olı yulda ike amerikan ğäskärienä ut açıp alarnı yaralağan keşe dä politsiä xezmätkäre ide, ul xäzer saq astında, läkin üzen aqılğa say itep kürsätergä tırışa.
XS
SM
MD
LG